Квазіраман "Віртуальныя запалкі" змяшчае пяць празаічных і паэтычных частак, кожная з якіх мае сваю адмысловую сюжэтную хаду. Кніга аб'яднаная агульнай філасофскай тэмай: аўтар намагаецца даследваць таямнічы "аленізм". Сутнасьць твора выяўляецца праз вечную барацьбу чалавека за жыццё ў гэтым свеце. Кніга прызначана для студэнтаў і цяжарных жанчын...

Да чытача

Мяне пэўны час палохаў не юнацкі максімалізм Боські, а тая неахайнасць, якую ён часам выказваў у падыходзе да слова. Але потым я усвядоміў, што ў гэтым творчым раздзяўбайстве і нараджаўся калісьці суплёт бумбамлітаўскіх думак. Зразумеўшы гэта, я супакоіўся: значыць, усяму - свой час. Хвароба бум-бам-літам - усяго толькі першая віртуальная запалка, за якой надыдзе штосьці іншае. Верагодна, Боська нарэшце дабярэцца і да вогнішча постмадэрністаў.

Зміцер Вішнёў

У пошуках "Віртуальнага аленізму"

Віртуальныя запалкі/ У.Боська. - Мінск: Логвінаў, 2004. - 70с.